اشرف جمال الدين رئيس هيئة البريد المصرى الجديد ناوى نية سودا ومهببة لموظفين البريد

استعرض الموضوع السابق استعرض الموضوع التالي اذهب الى الأسفل

اشرف جمال الدين رئيس هيئة البريد المصرى الجديد ناوى نية سودا ومهببة لموظفين البريد

مُساهمة  موزع البريد في الثلاثاء أبريل 02, 2013 9:33 pm

بما اننا أحنا بوستجية فى هيئة البريد المصرى ..... فالجواب بيبان من عنوانه ..... فالأخ رئيس الهيئة الجديد قال كلمته يا جدعان ...... وفتح زراير قميصة من أولها عشان ياخدنا على مشمنا من البداية كدا .... وبيقول أنه مش عاوز مطالب فئوية من موظفين البريد ....... عشان هو ناوى يعملها معاهم لو طالبوا بمطالب فئوية ؟؟؟؟؟؟؟؟؟؟؟؟

بس بأمانة الله الراجل ده مش بيفكرنى بفتونة مسعد عبد الغنى وفتح زراير قميصة اللى كانت بترعب موظفين البريد ساعة الاعتصامات ....... لأ لأ لأ .... أشرف جمال الدين رئيس البريد المصرى الجديد ده فتوة أجمد من مسعد وأبصم بالعشرة أنه فتوة كبير قوى وناوى على نية سودا وزى الطين والهباب المقطرن بقطران لموظفين البريد الغلابة بس ...... اما حيتان البريد ...... فأكيد هيلاقوا الجوا مهيىء ليهم عشان يعرفوا يكوسوا ويسرقو كويس فى وجود حراسة فتوة البريد المصرى القوى والمتين أشرف جمال الدين واللى هيخرس لسان أى موظف من موظفين البريد بسد الحنك وطرش ودانه كمان ........ عشان كدا الراجل حب يبين لموظفين البريد الحين الحمرا والصفرا والخضرا ليهم من اولها ....... عشان محدش يجيى بعد كدا ويسأله على تحسين احوال الموظفين او حتى ارباح اتصالات او حتى حافز ...... عشان هو بيقوللكو اهوه من اولها اللى هيتكلم يا موظفين البريد على حاجة هقلعلوا اللى فى رجلى علطول و ........
لأ لأ راجل بصراحة يا ريس وانا خفت منك من اولها خلاص عشان اخاف على نفسى بصراحة منك ومش هتكلم تانى خلاص عشان انا بوستجى فقير وغلبان ........ عشان كدا مش هتكلم تانى خلاص وهقفل بقى بالضبة والمفتاح ومش هتكلم وهسكت اهوووووو

موزع البريد


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى